Филиал "Козловская сельская библиотека" государственного учреждения культуры "Светлогорская районная сеть библиотек" Республика Беларусь принимает участие в акции "Весенняя книга".
Показаны сообщения с ярлыком писатели-юбиляры. Показать все сообщения
Показаны сообщения с ярлыком писатели-юбиляры. Показать все сообщения
среда, 30 марта 2022 г.
Организатором акции является центральная детская библиотека МБУ ЦБС ГО Красноуфимск.
28 кастрычніка 1922 года ў в. Ястрабка ў сялянскай сям’і нарадзіўся беларускі пісьменнік Міхась (Міхаіл Пятровіч) Даніленка.
У 1941 годзе ён скончыў Рэчыцкае педагагічнае вучылішча, быў мабілізаваны ў Чырвоную Армію. Ваяваў на Паўднёва-Заходнім фронце, у маі 1942года, непадалёку ад станцыі Мікалаеўка (Украіна), быў кантужаны і трапіў у палон.
У сакавіку 1944 уцёк з лагера ваеннапалонных зноў апынуўся ў дзеючым войску.
Пасля вайны працаваў настаўнікам Казярожскай сямігадовай школы.
У 1952 годзе скончыў завочна Гомельскі педагагічны інстытут.
У 1952-1982 гады з’яўляўся супрацоўнікам газеты «Гомельская праўда».
З 1983 г. жыў у в. Пустая Града. Член Саюза пісьменнікаў СССР з 1950 г.
Узнагароджаны ордэнам Айчыннай вайны II ступені і медалямі.
Адзначаны дзвюма граматамі Вярхоўнага Савета БССР.
Жыў у Гомелі. Памёр Міхась Пятровіч Даніленка 22 лютага 2019 г.
Сёння я хачу прапанаваць вам кнігу беларускага пісьменніка Міхася Пятровіча Даніленка "Як дажджы памірыліся", ў якой распавядаецца пра жыццё сучасных хлопчыкаў і дзяўчынак, іх гульні і забавы, клопаты і перажыванні. У многіх гісторыях, апісаных аўтарам, юныя чытачы пазнаюць і сябе, бо героі гэтай кнігі жывуць не дзесьці далёка, а побач з намі.
ГОЛАС ВЯСНЫ
Міхась Даніленка
Як быў я малы, тата часта ў канцы зімы казаў:
— Пойдзем, сынок, на двор, пакажу табе вясновыя слёзкі.
— Адкуль тыя слёзкі возьмуцца? — дзівіўся я. — Мароз на шыбах вунь якія ўзоры размаляваў!
— I ўсё адно вясна ўжо радаснымі слёзкамі ўмываецца. Зірні сюды.
Мы станавіліся пад застрэшак, дзе ўгравала сонца. 3 вострых ледзяшоў, што звісалі са стрэх, адна за другой зрываліся празрыстыя кроплі. Яны выбівалі ў снезе круглыя роўныя ямкі.
«Кап-бульк! Кап-бульк!» — усміхалася радасна вясна. I жэўжыкі-вераб'і навыперадкі стараліся пакупацца ў першай вясновай вадзе. Натапырвалі пер'е, яршыліся, аж пырскі разляталіся ад заядлых купальшчыкаў.
А мы з бацькам ішлі далей за хату, дзе пачынаўся лес, і на прыгорку, каля высокіх сосен, знаходзілі першыя жоўценькія кветачкі.
— Бач, падбелы з'явіліся. Вось яны — першыя кветкі вясны, — тлумачыў мне бацька. — Дзе зацішна і сонечна, там і шукай іх.
На парыжэлым падталым снезе поўзалі нейкія чырвоныя жучкі і даўганосыя камарыкі. Бацька казаў, што ўсе яны пачулі голас вясны.
— Прыслухайся добра. Ты таксама той голас пачуеш, — гаварыў бацька.
I я прыслухоўваўся.
Ціха шумелі сосны. Са зламанай галінкі бярозы адна за другой сцякалі на зямлю светлыя чысцюткія кропелькі. Стукаў у кару дрэва дзяцел. Не так, як зімой, а часцей: пэўна ж, прагаладаўся за зіму небарака. Упершыню пасля зімы спявалі сініцы. I нават у поўдзень у мурашніку яшчэ напаўсонныя мурашкі пачыналі варушыць вусікамі. Быццам абнюхвалі халаднаватае, але з адметнымі вясновымі пахамі паветра...
I цяпер, як трохі вышэй пачне хадзіць сонца, а прамяні яго стануць цяплейшымі, я, як некалі мне бацька, кажу свайму Сашу:
— Апранайся, сын. Пойдзем слухаць голас вясны.
Филиал "Козловская сельская библиотека" государственного учреждения культуры "Светлогорская районная сеть библиотек" Республика Беларусь принимает участие в акции
- челлендже «Читаем книги от А до Я, посвященной Неделе детской и юношеской книге.
Организатором акции является Муниципальное бюджетное учреждение культуры Красносулинского района «Межпоселенческая центральная библиотека»
Валянцін Лукша "Адзіны ў свеце край"
Гэта не проста паэтычны зборнік, а яскравы калейдаскоп нашага жыцця, якое паўстае перад маленькім чытычом ва ўсёй разнастайнасці. Аўтар - лаўрэат Дзяржаўнай пряміі Ряспублікі Беларусь, з цеплынёй гаворыць пра прыгажосць і непаўторнасць роднага краю, пра жывёл і птушак, пра школьныя здарэнні і цікавыя сітуацыіі, у якія трапляюць юныя героі.
Першая кніжка (Валянцін Лукша)
Вось кніжка мая першая
З малюнкамі і з вершамі.
Тут словы запаветныя —
I ветлыя, і светлыя.
Цяпер мой новы друг-таварыш
Завецца Сонечка-Букварык!
Ён вучыць нас усіх чытаць
I без гультайства працаваць,
Радзіму зорную любіць
I край свой родны бараніць.
Мне асвятляе шлях букварык,
Нібыта казачны ліхтарык.
Як шчасна-хораша ісці
З надзейным сябрам па жыцці!
МАЁЙ ЗЯМЛІ (Валянцін Лукша)
Зямля мая – мой звонкаспеўны край,
Святая жыватворная крыніца!
Вяртаюся сюды, нібыта ў рай,
Каб ля святых вытокаў памаліцца;
Вачмі лугі аблашчыць і палі,
Падлесак мой, што дружна ў рост пусціўся,
Сцяжынкі тыя, што ў жыццё вялі,
Каб не зблудзіў, са шляху каб не збіўся.
Хачу ўдыхнуць паветра і святла,
Абшарам самавітым наталіцца,
Пацешыцца з буслінага крыла
І з чарадой птушынай парадніцца.
О краю мой – святляны, дарагі,
Прытулак жыццяспеўны, жыццядайны!
Ты лечыш ад самоты і тугі,
Ад нематы і немачы адчайнай.
Табе сыноўскі нізкі мой паклон,
Табе мая бязмежная удзячнасць
За несціханы ў сэрцы перазвон,
Душой адчутую радзімы значнасць.
Я веру, калі стане золка мне
Ад ветру злога, сцюжы і завеі, –
Мая зямля, бы маці, прыхіне
І, як ніхто на свеце, зразумее.
Таму я зноў вяртаюся сюды,
Да родных ніў, да звонкай той крыніцы –
Святой і жыватворнае вады, –
Вячыстай прыгажосцю прычасціцца.
пятница, 18 марта 2022 г.
среда, 29 декабря 2021 г.
13 СНЕЖНЯ МІКОЛА МАЛЯЎКА АДЗНАЧЫЦЬ СВОЙ 80 - ЦІ ГАДОВЫ ЮБІЛЕЙ.
Маляўка Мікалай Аляксандравіч (Мікола Маляўка) нарадзіўся 13 снежня 1941 г. у вёсцы Мікалаеўшчына Стаўбцоўскага раёна Мінскай вобласці ў сялянскай сям’і. Пасля школы-дзесяцігодкі працаваў у калгасе, на лесанарыхтоўках ў Карэліі.
Скончыў філалагічны факультэт Беларускага дзяржаўнага ўніверсітэта імя У. І. Леніна. Настаўнічаў у вясковых школах. Працаваў у нясвіжскай раённай газеце, на рэспубліканскім радыё і тэлебачанні, у часопісе “Вясёлка” (30 гадоў).
Піша для дарослых і дзяцей. Аўтар шматлікіх кніг паэзіі і прозы.
Родная зямля над Нёманам – крыніца творчых задум пісьменніка. У сваіх кнігах ён апявае дар жыцця, дар міру, дар працы, дар сяброўства і кахання.
Лаўрэат Літаратурнай прэміі імя Аркадзя Куляшова (1992г.), прэміі Федэрацыі прафсаюзаў Беларусі (1997г.), спецыяльнай прэміі Прэзідэнта Рэспублікі Беларусь у намінацыі “Мастацкая літаратура” (2002г.), Літаратурнай прэміі “Залаты Купідон” (2012г.).
Узнагароджаны Ганаровай граматай Вярхоўнага Савета Рэспублікі Беларусь (1992г.), медалём Францыска Скарыны (2007г.), медалём Саюза пісьменнікаў Беларусі – за плённы ўнёсак у літаратуру.
Выдатнік народнай асветы. Выдатнік друку Беларусі.
Жыве у Мінску.
"Я - беларус маленькі" (Мікола Маляўка)
Я – беларус маленькі,
Дарос ужо да школы.
Як і бацькі ,сумленны ,
Руплівы і вясёлы.
Я- беларус маленькі
З блакітнымі вачыма.
Хачу і я, каб лепей
Жыла мая Радзіма.
Я- беларус маленькі.
Люблю блакіт і сонца.
З Радзімай пасталею,
Радзімы – абаронца.
Я- беларус маленькі,
Адкрыты ўсім трывогам,
Ды стану на калені
Я толькі перад Богам.
"На гэтым - стаім!" (Мікола Маляўка)
Мы. баларусы, - простыя людзі.
Край свой і продкаў постаці любім.
Рады заўсёды добрым гасцям,
Рады, калі спрыяюць і нам.
Мы, беларусы, - дбайныя людзі.
Рукі - на плузе. Рукі - на склюдзе.
Граем-спяваем зноў жа як след,
Пояс аздобім - любуецца свет.
Мы, беларусы, - гордыя людзі.
З торбай па свеце белым не блудзім:
Лепей сканаць пры ганку свааім,
Чым жабраваць...
На гэтым стаім!
Мы, беларусы, - мужныя людзі.
Жыць у ярме ніколі не будзем,
Станем сцяной, плячо да пляча,
Супраць любога злога мяча.
Мы, беларусы, - божыя людзі.
Крыжык святы асвечвае грудзі,
Дома, у кожнай хаце - абраз,
Бог міласэрдны з намі. У нас.
"За цябе адну" (Мікола Маляўка)
Бацькаўшчына - мілая зямля,
Вытры на сваім абліччы слёзы.
Буду я ў цябе за каваля,
Каб плугі каваць і ладзіць косы.
Нас яшчэ нямнога, моцных духам,
Я табе надзею прынясу:
Падмяню старэйшага за плугам,
Перадам малодшаму касу.
Недасплю і недаем ашчадна,
А збяру ў сям'ю тваіх дзяцей,
Каб шчаслівай ты была ў нашчадках,
Каб яны усміхаліся часцей.
Адыду да продкаў - не забуду:
У блакітным храме іх пасля
За цябе адну маліцца буду,
БАЦЬКАЎШЧЫНА - МІЛАЯ ЗЯМЛЯ.
ЧЫТАЙЦЕ ТВОРЫ БЕЛАРУСКІХ ПІСЬМЕННІКАЎ.
Подписаться на:
Сообщения (Atom)
По определению Всемирной организации здравоохранения – здоровье, это не просто отсутствие физических дефектов и заболеваний. Это совокупно...
-
Руководитель проекта: Петрова В.И. Помощники: Терещенко Р.В., Колесник Т.А., Дражин В.М., Митрахович В.М. Лаптёва А.И., Тукач И.В., Пле...
-
Прыказкі і прымаўкі — своеасаблівая энцыклапедыя жыцця народа ў розныя гістарычныя эпохі. Прыказка — гэта агульнавядомае кароткае выс...
-
Штогод 21 лютага ва ўсім свеце адзначаецца Міжнародны дзень роднай мовы. Свята гэта, абвешчанае 17 лістапада 1999 года на 30-й сесіі ЮНЕС...