Зніклыя, але не забытыя
(населеныя пункты былога Казлоўскага
Сельскага Савета, якія не існуюць)
Баброў Хутар – хутар, знесены ў 1939г.
Будзішчы – пасёлак, у 1939г. выселены ў вёску Крукі.
Бярэзнікі – хутар, знесены ў 1939г. Зараз на гэтым месцы поле.
Ваганішча – хутар. У 1926 годзе – 4
гаспадаркі, 20 жыхароў (усе беларусы). Сселены ў 1935 годзе.
Варацень - хутар. Па пісьмовых крыніцах
пачатку ХХ ст. вядомы як засценак Парыцкай воласці Бабруйскага павета. Назва пайшла ад прозвішча пана Варатынскага, які
жыў у гэтай мясцовасці. Старажылы сцвярджаюць, што на хутары жыла шляхта. У
1909г. тут было 10 двароў, 71 жыхар. Згодна перапісу 1917г. - ваколіца, 10 гаспадарак, 84 жыхары (усе беларусы). У
1926г. – хутар, 15 гаспадарак, 70 жыхароў (усе беларусы). Падчас разліву ракі Бярэзіна Варацень затапляўся вадой, таму
што знаходзіўся ў нізіне. Не існуе з
1945 года. Жыхары выселены ў в. Скалка і г.п.Парычы.
Вежка – хутар, не існуе з 1939г.
Віння – вёска, не існуе.
Высокае – хутар. Знаходзіўся на высокім
участку зямлі. Не існуе з 1937г.
Вярхлессе - хутар, у 1937 годзе сселены у
вёскі Казлоўка і Вярхлессе.
Гарадзец - хутар. Паводле перапісу 1926г. тут
было 9 гаспадарак, 36 жыхароў (усе
беларусы). На той час большасць жыхароў населенага пункта мелі прозвішчы
Муравіцкі (Муравіцкая) і Некрашэвіч. Сселены ў 1937г.
Гарэлае Балота - хутар. Знаходзіўся
каля балота, якое некалі згарэла. Згодна перапісу 1926г. – пасёлак: 9
гаспадарак, 40 жыхароў (усе беларусы). Не існуе з 1937 года.
Гаршынполе - хутар. Паселішча ўзнікла на
ўчастку зямлі, якая належыла чалавеку па прозвішчы Гарша (Гары). Вядомы з
пачатку 1920-х гадоў. У 1926г. – пасёлак: 2 гаспадаркі, 12 жыхароў (усе
беларусы). На той час усе насельнікі пасёлка мелі прозвішча Скарадзько. Пазней пасёлак
стаў хутарам. Не існуе з 1937г.
Грабчы – хутар, у 1939г. яго
жыхары былі сселены ў вёскі Селішчы і Казлоўка.
Гушчаў - хутар. Сселены ў 1937 годзе.
Дзяружніца - хутар. Не існуе з 1937 года.
Дубкі - хутар. Знаходлзіўся ў дубовым гаі. Жылі на хутары Ханенка
Фёдар і Дзікун Фёдар. Сселены ў 1936г. у вёску Казлоўка.
Жыўчык – хутар, сселены ў вёску Казлоўка.
Залаўе - хутар. У 1926 годзе – пасёлак: 7 гаспадарак, 28 жыхароў
(усе беларусы). Не існуе з 1937г.
Залес’е – хутар, знесены у 1939г. Зараз
урочышча каля вёскі Кнышэвічы.
Замошча – хутар, знесены у 1940г.
Запруддзе - хутар. Назва ўтворана ад
асаблівасцей мясцовасці (каля
сажалкі, за сажалкай). Не існуе з 1939г. Сселены ў вёску Краснаўка ў 1939г.
Зубрэц - хутар. У 1926 годзе – пасёлак, у якім было 6 гаспадарак, 32 жыхары (усе беларусы). Сселены ў 1937г. у в.
Майсееўка, зараз на яго месцы - поле.
Камунар - хутар. Не існуе з 1937г.
Каянец - хутар. Не існуе з 1937г.
Каробішча – пасёлак. У 1937г. аб’яднаны з
суседняй вёскай Завічча.
Ключы 1-ыя – пасёлак. У 1926г. – 5
гаспадарак, 30 жыхароў. У 1936г. далучаны да вёскі Завічча.
Ключы 2-ія – пасёлак. У 1926г. – 6
гаспадарак, 28 жыхароў. У 1936г. далучаны да вёскі Завічча.
Коласаў – хутар. Не існуе з 1935г.
Сселены ў вёску Вярхлессе. На хутары жылі
Гушчы.
Курганне – хутар, сселены ў вёску Ліпнікі.
Курылаў – хутар. Назва паходзіць ад
прозвішча першага насельніка. Сселены у 1937г.
Лашэвічы – вёска, існавала ў ХVII-м стагоддзі,
апісана ў “Інвентары Бабруйскага стараства за 1639 год”.
Лотак – хутар, сселены ў вёску Пясчаная Рудня.
Маеўскі – хутар. Назва паходзіць ад прозвішча першага насельніка. Не існуе з
1937г.
Майданаў - хутар. Сселены ў 1935 годзе.
Маргі – вёска. У 1925 годзе атрымала другую назву - Ельнічкі.
Мехаў – хутар. У 1926г. – 12 гаспадарак, 68 жыхароў. У 1936г.
сселены ў вёску Данілоўка.
Мядзведня – пасёлак. У 1937 годзе далучаны
да вёскі Завічча.
Паплаўцы – хутар. Не існуе з 1939г.
Першамайскі – хутар. У 1926г. – пасёлак, у
яким было 36 двароў, 195 жыхароў. Пазней – хутар. Не існуе з 1937г. Жыхары выселены ў вёску Вярхлессе.
Прудзішчы – хутар. Не існуе з 1936г. Зараз
на гэтым месцы ўрочышча.
Пятае Поле – хутар. Існаваў да Вялікай
Айчыннай вайны.
Рудабельцаў – хутар. Не існуе з 1935г.
Свінакракаў – хутар. Знесены ў 1935г.
Сімены – хутар. Сселены Ў 1937г.
Старына – хутар. Вядомы з пачатку ХХст. У
1909г. – 8 двароў, каля 30 жыхароў. Уваходзіў у Парыцкую воласць Бабруйскага
павета Мінскай губерніі. У 1926г. – 10 гаспадарак, 52 жыхары (усе беларусы). Знесены ў 1936г.
Стражы – хутар. У пачатку ХХст. – фальварак, 1 гаспадарка, 6
жыхароў. Пасля 1917г. – хутар: 1 гаспадарка, 3 жыхары. У 1939г. сселены ў
суседнюю вёску Малімоны.
Улоссе – хутар. Не існуе з 1936г. Жылі на хутары Улоссе Дзікун
Якаў, Пішчык Васіль, Вежнавец Якаў.
Уручча – хутар. Знесены ў 1935г. Жылі ў ім Лесун Улас, Лесун
Мірон.
Цагельня – хутар. Побач знаходзілася
цагельня. Не існуе з 1939г.
Цыганскія горы – хутар. Сселены ў
1936г. Зараз на яго месцы лес.
Чарвякоў – пасёлак. Назва ўтворана ад
прозвішча першага пасельніка. У 1926г. у
пасёлку было 5 гаспадарак, 23 жыхары. Не існуе з 1937г.
Комментариев нет:
Отправить комментарий