Уладзімір Ягоўдзік адзначае свой 65-гадовы юбілей.
Уладзімір Іванавіч Ягоўдзік нарадзіўся 14 лютага 1956 года ў вёсцы Кастровічы, Слонімскага раёну, Гродзенская вобласці ў сялянскай сям'і.
Вучыўся ў Дзятлаўскай, Слонімскай, Зэльвенскай школах-інтэрнатах. У1978 г. скончыў філалагічны факультэт Беларускага дзяржаўнага ўніверсітэта. У 1978 - 1982 гг. працаваў карэспандэнтам Брэсцкай абласной газеты «Заря», рэдактарам Брэсцкай абласной студыі тэлебачання. У 1982 - 1990 гг. - супрацоўнік штотыднёвіка «Літаратура і мастацтва». У 1990 - 2010гг. - рэдактар, галоўны рэдактар часопіса «Дзеці і мы». Адначасова ў 1997- 2003 гадах - галоўны рэдактар часопіса «Бярозка». Уладзімір Ягоўдзік – празаік, драматург. Лаўрэат Прэміі прафсаюзаў Беларусі (1993), Літаратурнай прэміі імя Янкі Маўра (1994). Аўтар кніг для дзяцей “Янка і Ружа, “Дзівосны карабель”, “Сем цудаў Беларусі” і інш. Уладзімір Іванавіч -- вялікі аматар і знаўца роднай прыроды. З вялікай павагай адносіцца ён да ўсяго жывога і заклікае да гэтага сваіх чытачоў. Трэба адзначыць, што самыя новыя творы пісьменніка выходзяць у серыі ”Скарбы Радзімы”. Гэтая серыя заснавана ў 2008 годзе і адрасавана дзецям, падлеткам, а таксама дарослым, якія занепакояны станам роднай прыроды. Кнігі гэтай серыі насычаны малюнкамі і фотаздымкамі, легендамі і вершамі беларускіх пісьменнікаў. У Казлоўскай сельскай бібліятэцы аформлена кніжная выстава “Чароўны свет кніг Уладзіміра Ягоўдзіка”
Комментариев нет:
Отправить комментарий